دعوى طلاق وخلع بمحكمة الأسرة بمصر
أصبحت مشاكل الطلاق والخلع في مصر في المحاكم المصرية صداع مزمن، يواجه الكثير من الأزواج بسبب ضعف قوانين الاحوال الشخصية والتي يناقش مجلس الشعب في صيغة الإصدار الجديد لهذا القانون، مما أدى إلى إرتفاع حالات الطلاق والخلع في جمهورية مصر العربية بالشكل الذي لا يطاق.
الدولة المصري ممثلة ببعض الوزارات تسعى لحلول مشاكل الطلاق
وتأمل الدولة ممثلة في وزارة التضامن الإجتماعي ودار الإفتاء والأزهر الشريف في وجود حلول للتصالح بين الأزواج والتقليل من حالات الطلاق بالخلع أو طلاق للضرر أو طلاق ودي لدي الأذون الشرعي، في هذا الموضوع نلقى الضوء على تلك المشكة من خلال سؤال وإجابات.
مسألة قانونية: خطوات تقديم دعوى قضائية بالخلع أمام محكمة الأسرة بمصر
بتتقدمى بطلب تسوية أسرية وبعد ذلك بترفعي الدعوى بصحيفة أمام المحكمة وبتعملى انذار عرض مقدم الصداق والدعوى بتاخد إجراءاتها الشكلية ، وحضرتك تقدرى ترفعي الدعوى في محل إقامتك ، ولابد أن يوقع على صحيفة الدعوى محامى ابتدائي على الأقل .
أما مرض الزوج إذا كان مزمنا بحيث يخشي على الأبناء من مخالطته لفترة طويلة فدا اكيد بيتم مراعاته بالنسبة للرؤية وتنفيذها ، والنفقة بتحدد على قدر يساره ودا بيحدده تحرى عن الدخل من قسم الشرطة التابع له إذا لم يكن له عمل ثابت أو حكومى.
قبل البدء بالإجراءات و قال لي اعمل الاول إنذار عرض، وبالفعل عملته و هروح بكرة او بعده للمحكمة أخده،
وحضرتك بتقول التسوية الأول فما الحل ؟
إجابة المسألة القانونية: عمل دعوي قضائية بالخلع بمحكمة مصر
بالنسبة للمحكمة انا تابعة لمحكمة مصر الجديدة رحت مرتين المحكمة المحضرين قالوا لي لا مش هينفع هنا لازم المحكمة التابعة لمحل إقامة الزوج و بالفعل رحت محكمة زينهم عملت الانذار و قالوا لي لما تتم الخطوة دي هتكملي القضية في محكمة رمسيس
اولا: بالنسبة لانذار عرض مقدم الصداق عملتيه قبل التسوية أو بعدها مش هتفرق ومش هتضر في شئ
ثانيا: بالنسبة للدعوى وطلب التسوية هتقدميهم في محكمة مصر الجديده لشئون الأسرة اللي في الحجاز بمصر الجديدة التابع لها محل إقامتك وهتبقي الجلسات هناك وكل حاجه تخص القضية هناك لكن هتروحى تعلنى في محضرين زينهم التابع لهم عنوان الزوج.
ثالثا: موضوع محكمة رمسيس اسمها زنانيري فملهاش علاقة بالموضوع بتاعك نهائي اهم حاجة محامى يمضى لك على العريضة وفيه محامين رجالة بيعملوها جدعنة وفيه بياخدوا اللى يقولوه على حسب.
رابعا: لازم تقدمى القسيمة الورقية للزواج وبتخضرى اول حاسة وتتنازلى عن حقوقك سبب الخلع ايه استحالت العشرة و اخشى الا اقيم حدود الله وبعد كدا بتنفذى طلبات القاضى اعلانات وتسديد مقدم الصداق وهكذا، ولو طعن على مقدم الصداق ها تتحول تحقيق وتجيبى شهود تثبت ان المدفوع هو المكتوب وهو ماضى على ذلك.